Ֆիքսված հեռախոսակապի ծառայությամբ սակագնային փաթեթներում ներառված րոպեները չեն հաշվարկվում ըստ օրերի և յուրաքանչյուր ամսվա ընթացքում Բաժանորդը ստանում է տվյալ սակագնային փաթեթով սահմանված րոպեների ամբողջական ծավալը՝ անկախ նրանից, թե տվյալ սակագնային փաթեթով նախատեսված ծառայությունները քանի օր է ակտիվ եղել ամսվա ընթացքում: Եթե Բաժանորդը մինչև հաշվետու ամսվա ավարտը չի օգտագործում իր սակագնային փաթեթով նախատեսված անվճար րոպեների ամբողջ ծավալը, ապա չօգտագործված րոպեները զրոյանում են և հաջորդող ամսվա առաջին օրը բաժանորդին տրամադրվում է անվճար րոպեների ամբողջական ծավալ ընթացիկ ամսվա համար:

Եթե Բաժանորդը մինչև Օպերատորի Պայմաններով սահմանված ծառայությունների դիմաց վճարման վերջնաժամկետը չի վճարում Ծառայությունների համար հաշվարկված պարտքն ամբողջությամբ, ապա Օպերատորը ժամանակավորապես կասեցնում է Ծառայությունները, մինչև դրանց համար հաշվարկված պարտքն ամբողջությամբ վճարելը: Կասեցված ժամանակահատվածի համար ամսավճարի հաշվեգրում չի իրականացվում:

Սույն կետով սահմանված դրույթի կիրառումը տարածվում է նաև մինչև փոփոխության իրականացումը կնքված Բաժանորդային պայմանագրերով ծագած իրավահարաբերությունների վրա։

Որոշ Ծառայությունների մատուցման համար հաշվարկված վճարը Բաժանորդի և Օպերատորի միջև պայմանագրի լուծման պահին հնարավոր է դեռևս տեսանելի չլինի Օպերատորի Բիլինգային համակարգում, հետևաբար այդ Ծառայությունների դիմաց հաշիվները կարող են ներկայացվել դրանք  Բիլինգային համակարգում տեսանելի

դառնալու պահից և պետք է վճարվեն Բաժանորդի կողմից համապատասխան հաշիվը ստանալու պահից 10 (տասը) օրվա ընթացքում՝ անկախ Բաժանորդային պայմանագրի լուծման հանգամանքից: 

Ֆիզիկական անձ հանդիսացող Բաժանորդի մոտ ակտիվացված «Ֆիքսված հեռախոսակապի» րոպեավճարների ու «Սմարթ հեռուստատեսության» «Ֆիլմադարան» ծառայության միջոցով ձեռք բերվող ֆիլմերի համար սահմանվում է 11,000 (տասնմեկ հազար) դրամ (ներառյալ ԱԱՀ) գումարով սահմանաչափ:

Իրավաբանական անձ հանդիսացող Բաժանորդի մոտ ակտիվացված «Ֆիքսված հեռախոսակապի» րոպեավճարների ու «Սմարթ հեռուստատեսության» «Ֆիլմադարան» ծառայության միջոցով ձեռք բերվող ֆիլմերի համար սահմանվում է 30,000 (երեսուն հազար) դրամ (ներառյալ ԱԱՀ) գումարով սահմանաչափ:

Եթե Բաժանորդի մոտ սույն կետում նշված ծառայությունների մասով բացասական հաշվեկշիռը գերազանցում է նշված սահմանաչափը, ապա նրա մոտ կասեցվում են Ծառայությունները: Ծառայությունները վերաակտիվանում են, եթե Բաժանորդի մոտ բացասական հաշվեկշիռը չի գերազանցում նշված սահմանաչափը՝ Բաժանորդի հաշվին կատարված վճարումների արդյունքում:  

«ՋԻԷՆՍԻ-ԱԼՖԱ» ՓԲԸ ֆիզիկական կամ իրավաբանական անձ հանդիսացող Բաժանորդները, ում Ծառայությունները մատուցվում են հետվճարային կարգով և GPON տեխնոլոգիայով, կարող են օգտվել «Խոստացված վճարում» ծառայությունից: Բաժանորդը, ում Ծառայությունները կասեցված են ժամկետանց պարտքի պատճառով, հնարավորություն է ստանում վեբ տիրույթում ինքնուրույն ակտիվացնել «Խոստացված վճարում» ծառայությունը: Ակտիվացնելով «Խոստացված վճարում» ծառայությունը՝ Բաժանորդին մատուցվող բոլոր Ծառայությունները, որոնք ապաակտիվացվել են ժամկետանց պարտքի պատճառով, ակտիվանում են «Խոստացված վճարում» ծառայության ակտիվացման պահից սկսած 48 (քառասունութ) ժամվա ընթացքում. նշված ողջ ակտիվ ժամանակահատվածի համար Բաժանորդի հաշվին ամբողջությամբ հաշվեգրվում է Ծառայության/Ծառայությունների վճարը: Եթե մատուցված Ծառայությունների համար հաշվեգրված ժամկետանց պարտքը վերը նշված 48 (քառասունութ) ժամվա ընթացքում ամբողջությամբ չի վճարվում բաժանորդային հաշվին, ապա Ծառայությունները կրկին ապաակտիվանում են: «Խոստացված վճարում» ծառայությունը հնարավոր է ակտիվացնել ժամկետանց պարտքի պատճառով Ծառայությունների յուրաքանչյուր ապաակտիվացումից հետո միայն 1 (մեկ) անգամ, և եթե Բաժանորդի Ծառայությունների՝ ժամկետանց պարտքի պատճառով ապաակտիվացման պահից անցել է ոչ ավել, քան 120 (հարյուր քսան) ժամ: Սա նշանակում է, որ եթե Բաժանորդն ակտիվացրել է «Խոստացված վճարում» ծառայությունը, ապա տվյալ ծառայությունից նա կրկին կարող է օգտվել միայն այն դեպքում, երբ նրան մատուցվող Ծառայությունները վերաակտիվանում են նրա կողմից ժամկետանց պարտքն ամբողջությամբ մարելու արդյունքում և կրկին ապաակտիվանում՝ նոր ժամկետանց պարտքի առկայությամբ պայմանավորված: «Խոստացված վճարում» Ծառայության ակտիվացման պահից սկսած՝ ակտիվանում են Բաժանորդի բոլոր Ծառայությունները, սակայն տվյալ ծառայությունից կարող են օգտվել միայն «ՋԻԷՆՍԻ-ԱԼՖԱ» ՓԲԸ Ինտերնետ Ծառայության կամ Ինտերնետ Ծառայությունը որպես բաղադրիչ պարունակող Ծառայությունների փաթեթների Բաժանորդները:

Ընդամենը անհրաժեշտ է համոզվել, որ մեր ծառայությունները հասանելի են Ձեր հասցեում, այնուհետև զանգահարել

060 46 46 46 հեռախոսահամարին, և մեր աշխատակիցը Ձեր կողմից նշված ժամանակահատվածում կմոտենա Ձեր նախընտրած վայրը ԱՆՎՃԱՐ բաժանորդագրության համար:

Ներբնակարանային/ներգրասենյակային տեխնիկական սպասարկման ծառայություններից յուրաքանչյուրի մատուցման համար սահմանվում է միանվագ վճար՝ 6000 (վեց հազար) ՀՀ դրամ (ներառյալ ԱԱՀ): Եթե Բաժանորդային հասցեում միևնույն այցի շրջանակում անհրաժեշտ է մատուցել Ներբնակարանային/ներգրասենյակային տեխնիկական սպասարկման ավելի քան մեկ ծառայություն, ապա մատուցված բոլոր ծառայությունների համար գանձվում է 6000 (վեց հազար) ՀՀ դրամ (ներառյալ ԱԱՀ) միանվագ վճար՝ անկախ մատուցված ծառայությունների քանակից: Ներբնակարանային/ներգրասենյակային տեխնիկակական սպասարկման ծառայությունը մատուցվում է Բաժանորդի կողմից համապատասխան դիմումի ստորագրման պահից սկսած առավելագույնը 3 (երեք) աշխատանքային օրվա ընթացքում: Աշխատանքային ծանրաբեռնվածությունից ելնելով և/կամ բաժանորդային հասցեի գտնվելու վայրից կախված սույն ժամկետը կարող է տատանվել, բայց չի կարող գերազանցել 5 աշխատանքային օրը։

Եթե բաժանորդի մոտ առկա որևէ կից սարք փոխարինվում է բնակարանային այցի միջոցով, ապա Բաժանորդը Ներբնակարանային/ներգրասենյակային տեխնիկական սպասարկման ծառայության համար սահմանված միանվագ վճարից բացի վճարում է նաև տվյալ սարքի վնասման հետևանքով փոխարնման համար տուգանք Օպերատորի կողմից սահմանված գումարի չափով։

*Ներբնակարանային/ներգրասենյակային տեխնիկական սպասարկման ծառայության շրջանակում կարող են մատուցվել սույն ցանկում չներառված, սակայն նմանատիպ բնույթի ծառայություններ:

Հասցեափոխության ծառայության հետ կապված չկան քանակական սահմանափակումներ, և դրա իրականացման համար անհրաժեշտ նախապայման է ոչ բացասական հաշվեկշռի առկայությունը:

Բաժանորդը չի կարող օգտվել Հասցեափոխության ծառայությունից, եթե նրա մոտ տվյալ պահին ակտիվացված է Ժամանակավոր կասեցման (ներառյալ Վճարովի ժամանակավոր կասեցումը) ծառայություն:

Եթե Ֆիքսված հեռախոսակապի Ծառայության կամ Ֆիքսված հեռախոսակապի բաղադրիչով Ծառայությունների փաթեթի Բաժանորդը, ով ցանկանում է իրականացնել Ծառայությունների Հասցեափոխություն՝ միաժամանակ շարունակելով օգտվել Ֆիքսված հեռախոսակապի Ծառայությունից, ու նոր հասցեում հնարավոր չէ (չի թույլատրվում) օգտվել նախկին հասցեում տրամադրված հեռախոսահամարից, ապա մինչ Հասցեափոխության ծառայության իրականացումը Բաժանորդը պետք է իրականացնի հեռախոսահամարի փոփոխություն՝ ձեռք բերելով նոր հասցեի համար հասանելի/թույլատրելի հեռախոսահամարներից որևէ մեկը: Տվյալ դեպքում եթե նախկին հասցեում Բաժանորդին տրամադրվել էր Գեղեցիկ հեռախոսահամար, ապա նոր հասցեում միևնույն կամ Բաժանորդի ցանկությամբ ավելի ցածր դասի (ավելի ցածր ամսավճարով) 1 (մեկ) հատ Գեղեցիկ հեռախոսահամար տրամադրվում է առանց վճարի գանձման: Եթե նոր հասցեում հասանելի հեռախոսահամարների ցանկում առկա չէ նախկին հասցեում Բաժանորդի մոտ առկա Գեղեցիկ հեռախոսահամարի դասին պատկանող որևէ Գեղեցիկ հեռախոսահամար, ապա Բաժանորդը կարող է ձեռք բերել տվյալ դասից 1 (մեկ) դասով ավելի բարձր ու նոր հասցեում հասանելի/թույլատրելի հեռախոսահամարների ցանկից 1 (մեկ) հատ առանց վճարի գանձման: Եթե նոր հասցեի համար թույլատրելի Գեղեցիկ հեռախոսահամարների ցանկում չկա նաև նախկին հասցեում գործող Գեղեցիկ հեռախոսահամարից 1 (մեկ) դասով ավելի բարձր ու հասանելի/թույլատրելի Գեղեցիկ հեռախոսահամար, ապա Բաժանորդը կարող է ձեռք բերել նախկին հասցեում տրամադրված Գեղեցիկ հեռախոսահամարի դասից 2 (երկու) դասով ավելի բարձր ու նոր հասցեում հասանելի/թույլատրելի 1 (մեկ) հատ գեղեցիկ հեռախոսահամար առանց վճարի գանձման. եթե սույն կետում նշված դասի ու նոր հասցեում հասանելի/թույլատրելի որևէ հեռախոսահամար կրկին հասանելի չէ, ապա վերը նշված տրամաբանությամբ Բաժանորդը կարող է ձեռք բերել նոր հասցեում հասանելի/թույլատրելի ու ևս 1 (մեկ) դասով ավելի բարձր 1 (մեկ) հատ Գեղեցիկ հեռախոսահամար առանց վճարի գանձման:

Հասցեափոխության իրականացման ժամանակահատվածում (Սարքի/երի ապամոնտաժման պահից սկսած մինչև նոր հասցեում Ծառայությունների ակտիվացումը) տվյալ Բաժանորդի հաշվին չի հաշվեգրվում ամսավճար այն օրերի մասով, որոնց ավարտի դրությամբ (ժամը 23:59:59) նոր հասցեում Ծառայությունները դեռևս ակտիվ չեն: Եթե նախկին հասցեում Սարքի ապամոնտաժումն ու Ծառայությունների ապաակտիվացումը և նոր հասցեում Սարքի տեղադրումն ու Ծառայությունների ակտիվացումը տեղի են ունենում միևնույն օրվա ընթացքում (մինչև միևնույն օրվա ժամը 23:59:59), ապա տվյալ օրվա ամսավճարն ամբողջովին հաշվեգրվում է:

Եթե Բաժանորդն օգտվում է Հասցեափոխության ծառայությունից, և նախկին հասցեում ակտիվ էր որևէ Ծառայություն, սակագնային փաթեթ, հավելյալ ծառայություն, հատուկ առաջարկ կամ մեկ այլ պայման, որը չի մատուցվում նոր հասցեում, ապա մինչ Հասցեափոխության իրականացումը պետք է իրականացվի Ծառայության կամ սակագնային փաթեթի փոփոխություն, ինչպես նաև Բաժանորդի ցանկությամբ ակտիվացվեն այն հավելյալ ծառայություններն ու այլ պայմանները, որոնք հասանելի են նոր հասցեում. ամեն դեպքում տվյալ պայմանագրի շրջանակում նախորդ հասցեում գործող ու նոր հասցեում ոչ հասանելի բոլոր պայմանները դադարում են գործել նոր հասցեում Ծառայությունների ակտիվացման պահից սկսած:

Հասցեափոխության ծառայության իրականացման դեպքում նոր հասցեի տարածքից ելնելով և Օպերատորի հայեցողությամբ կարող է նախկին հասցեում Բաժանորդին տրամադրված Սարքը փոխարինվել մեկ այլ Սարքով:

Հասցեափոխության Ծառայության իրականացման դեպքում նախկին հասցեում Բաժանորդին տրամադրված PSG1282, PSG1282N, AN5506-04-FG և նշված տեսակի ու մեկ այլ մոդելի Սարք(եր)ը նոր հասցե է(են) տեղափոխվում Օպերատորի կողմից, իսկ Set-Top Box ZTE B760H, ZTE B760E Հեռուստատեսային և այլ սարքերը տեղափոխվում են նոր հասցե Բաժանորդի կողմից:

Սույն պայմաններում նշված Կասեցման առավելագույն ժամանակահատվածից՝

• առաջին 60 օրերի ընթացքում (այսուհետ՝ Անվճար կասեցման առավելագույն ժամանակահատված) Ծառայությունների կասեցման համար վճար չի գանձվում:
• հաջորդող օրերի ընթացքում (այսուհետ՝ Վճարովի կասեցման առավելագույն ժամանակահատված) Ծառայությունները կասեցվում են սույն պայմաններով սահմանված ամսավճարի դիմաց: Վճարովի կասեցման համար սահմանված ամսավճարը գանձվում է հետվճարային կարգով և ըստ օրերի: 3. Անվճար կասեցման ծառայությունը նախատեսված է ֆիզիկական և իրավաբանական անձանց տրամադրվող կանխավճարային ու հետվճարային սակագնային փաթեթների համար: Վճարովի կասեցման ծառայությունը նախատեսված է ֆիզիկական և իրավաբանական անձանց տրամադրվող հետվճարային սակագնային փաթեթների համար (կանխավճարային սակագնային փաթեթներով տրամադրվող Ծառայությունների շրջանակում հնարավոր չէ ակտիվացնել Վճարովի կասեցման ծառայությունը):

Ֆիզիկական անձ հանդիսացող Բաժանորդները Ժամանակավոր կասեցում ծառայությունից կարող են օգտվել միայն Ժամանակավոր կասեցման ծառայության ակտիվացման համար դիմելու պահին ոչ բացասական հաշվեկշռի առկայության պարագայում: Տվյալ դեպքում եթե Ծառայությունները կասեցնելու վերաբերյալ գրավոր դիմում ներկայացնելիս կասեցվող օրերի մեջ առկա է վճարովի կասեցման ժամանակահատված, ապա Բաժանորդը վճարում է կանխավճար առնվազն վճարովի կասեցվող օրերի դիմաց հաշվարկվող անհրաժեշտ վճարի չափով: Սույն կետում նշված չափով կանխավճարի բացակայության դեպքում Վճարովի կասեցման ծառայությունը չի ակտիվացվում: Անվճար կասեցման համար սահմանված չէ նվազագույն կանխավճար: Իրավաբանական անձ հանդիսացող Բաժանորդները Ժամանակավոր կասեցում ծառայությունից կարող են օգտվել միայն Ժամանակավոր կասեցման ծառայության ակտիվացման համար դիմելու պահին ժամկետանց պարտքի բացակայության պարագայում: 

Եթե Բաժանորդը ներկայացրել է Ծառայությունների ժամանակավոր կասեցման վերաբերյալ գրավոր դիմում, ապա անհրաժեշտության դեպքում և Բաժանորդի համապատասխան դիմումի հիման վրա՝

• հնարավոր է վաղաժամ ակտիվացնել կասեցված Ծառայությունները: Տվյալ դեպքում Բաժանորդը հետագայում (մինչև Սահմանված ժամանակահատվածի ավարտը) ստանում է հնարավորություն՝ օգտագործելու կասեցման համար նախկինում պատվիրված, բայց չօգտագործված օրերի քանակը, որոնք նախատեսված են կասեցման համար մինչև Սահմանված ժամանակահատվածի ավարտը,
• Հնարավոր է երկարաձգել Ծառայությունների ժամանակավոր կասեցման ժամանակահատվածը համապատասխան դիմումի մեջ նշված օրերի քանակով: 

Վճարովի կասեցման ամսավճարը ֆիզիկական անձանց համար սահմանված է 2000 (երկու հազար) դրամ՝ ներառյալ ԱԱՀ, իսկ իրավաբանական անձանց համար՝ 4000 (չորս հազար) դրամ՝ ներառյալ ԱԱՀ:

Սահմանված ժամանակահատվածի սկիզբը հաշվարկվում է Բաժանորդի մոտ առկա Ծառայության/Ծառայությունների առաջին կասեցման պահից: Սահմանված ժամանակահատվածի ավարտից անմիջապես հետո սկսվում է նոր Սահմանված ժամանակահատված վերը նշված Կասեցման առավելագույն ժամանակահատվածով 1 (մեկ) օրացուցային տարվա ընթացքում. նոր Սահմանված ժամանակահատվածում հնարավոր չէ օգտագործել նախկին Սահմանված ժամանակահատվածում տրամադրված և չօգտագործված Կասեցման առավելագույն ժամանակահատվածի մնացորդային օրերը: 

Եթե Բաժանորդն արդեն իսկ օգտվել է Ժամանակավոր կասեցման ծառայությունից որոշակի ժամանակահատվածով և կատարում է անվանափոխություն կամ հասցեափոխություն, ապա նոր/անվանափոխված/ Բաժանորդի մոտ կամ նոր բաժանորդային հասցեում Ժամանակավոր կասեցման պայմանները չեն թարմացվում. այսինքն, Բաժանորդը անվանափոխությունից/հասցեափոխությունից հետո շարունակում է օգտվել ժամանակավոր կասեցման ծառայությունից այն պայմաններով, ինչ օգտվում էր մինչև անվանափոխությունը/հասցեափոխությունը (չեն փոխվում Սահմանված ժամանակահատվածը ու Կասեցման առավելագույն ժամանակահատվածը, կասեցման ենթակա օրերի մնացորդային քանակը և այլն):

Ժամանակավոր կասեցման ծառայության պայմանները (Սահմանված ժամանակահատվածը, Կասեցման առավելագույն ժամանակահատվածը, Անվճար կասեցման առավելագույն ժամանակահատվածը, Վճարովի կասեցման առավելագույն ժամանակահատվածը, Վճարովի կասեցման համար սահմանված ամսավճարը և այլն) կարգավորվում են Բաժանորդի և ոչ թե առանձին ծառայության մակարդակով, սակայն Բաժանորդի ցանկությամբ հնարավոր է միաժամանակ կասեցնել բոլոր կամ ոչ բոլոր Ծառայությունները: Անկախ նրանից, թե միաժամանակ քանի Ծառայություն է կասեցվում՝ Կասեցման առավելագույն ժամանակահատվածը 1 օրացուցային տարի, Անվճար կասեցման առավելագույն ժամանակահատվածը (60 օր), Վճարովի կասեցման առավելագույն ժամանակահատվածը մնում են անփոփոխ: Ծառայության կասեցում (վճարովի կամ անվճար) է համարվում տվյալ պահին սույն պայմաններով սահմանված կարգով առնվազն 1 Ծառայության կասեցումը, որն էլ հիմք է հանդիսանում համապատասխանաբար նվազեցնելու կասեցման ենթակա (վճարովի կամ անվճար) օրերի քանակը Կասեցման առավելագույն ժամանակահատվածից: Եթե Բաժանորդն օգտվել է Ժամանակավոր կասեցման ծառայությունից և Սահմանված ժամանակահատվածում կատարում է անցում նոր Ծառայության, ապա վերջինիս շրջանակում Կասեցման առավելագույն ժամանակահատվածի (ներառյալ Անվճար կասեցման առավելագույն ժամանակահատվածի ու Վճարովի կասեցման առավելագույն ժամանակահատվածի) մնացորդային օրերի քանակը չի փոխվում: 

Եթե Բաժանորդի մոտ ակտիվ է ավելի քան 1 Ծառայություն, և նա ապագա ամսաթվով նախատեսում է կասեցնել 1-ից ավելի Ծառայություն, ապա ապագայում կասեցվող բոլոր Ծառայությունների համար կասեցման սկզբնաժամկետը պետք է լինի նույնը՝ անկախ նրանից տվյալ պահին Բաժանորդի մոտ արդեն իսկ կան կասեցված Ծառայություններ, թե ոչ:

Եթե Բաժանորդը ցանկանում է կատարել Ժամանակավոր կասեցում և Կասեցման առավելագույն ժամանակահատվածն օգտագործելու դեպքում Ծառայությունները հնարավոր է կասեցնել առնվազն մինչև հաջորդ Սահմանված ժամանակահատվածի սկիզբը, ապա հնարավոր է ժամանակավոր կասեցման տվյալ (միևնույն) դիմումի հիման վրա միանգամից օգտագործել նաև հաջորդ Սահմանված ժամանակահատվածի համար նախատեսված Կասեցման առավելագույն ժամանակահատվածի օրերից:

Ժամկետանց պարտքի պատճառով կամ Ծառայությունների որակի հետ կապված Ծառայությունների կասեցումները ազդեցություն չեն ունենում Կասեցման առավելագույն ժամանակահատվածի տևողության վրա: 

Սույն պայմանները գործում են «ՋԻԷՆՍԻ-ԱԼՖԱ» ՓԲԸ կողմից GPON տեխնոլոգիայով մատուցվող, ինչպես նաև «ՋԻԷՆՍԻ-ԱԼՖԱ» ՓԲԸ և «ՀԻԲՐԻԴ ՍՈԼՅՈՒՇՆՍ» ՍՊԸ կողմից մանրածախ շուկայում (տեխնոլոգիա` GPON) ֆիզիկական և իրավաբանական անձանց համար համատեղ մատուցվող Ծառայությունների Բաժանորդների համար՝ ներառյալ այն Բաժանորդների, ովքեր մինչև սույն պայմանների կիրառության մեջ մտնելն արդեն իսկ օգտվել են ժամանակավոր կասեցման Ծառայությունից: Եթե Բաժանորդը մինչև սույն պայմանների կիրառության մեջ մտնելն արդեն իսկ օգտվել է ժամանակավոր կասեցման ծառայությունից, ապա նրա մոտ պահպանվում է ընթացիկ Սահմանված ժամանակահատվածի սկիզբը, ինչպես նաև մինչև ընթացիկ Սահմանված ժամանակահատվածի ավարտը հասանելի Կասեցման առավելագույն ժամանակահատվածի մնացորդը:

Ժամանակավոր կասեցման ծառայության ակտիվացման դեպքում մինչև կասեցված ժամանակահատվածի ավարտը ապաակտիվանում են՝

• ինտերնետ Ծառայությունը, o ֆիքսված հեռախոսակապի Ծառայության ելքային զանգերը, բացառությամբ դեպի առաջին օգնության և Օպերատորի Զանգերի կենտրոն կատարվող ելքային զանգերի,
• տվյալ պահին ակտիվ բոլոր հեռուստաալիքները, ինչպես նաև ցանկացած տեսակի գնման հնարավորություն (ներառյալ հեռուստաալիք, թեմատիկ փաթեթ, ֆիլմ, ֆիլմերի փաթեթ կամ Եթերի տեսագրում ծառայություն գնելու հնարավորությունը): 

Բաժանորդը կարող է նաև դիմել իրեն տրամադրված Սարքի Wi-Fi ծառայությունն ակտիվացնելու համար: Սարքի փոխարինում իրականացնելու կամ Սարքի վրա Wi-Fi ակտիվացնելու համար բաժանորդն իր հաշվին չպետք է ունենա ժամկետանց պարտքեր և պետք է կատարի 11,000 դրամ՝ ներառյալ ԱԱՀ միանվագ վճարում: Միանվագ վճարը հաշվեգրվում է ծառայության ակտիվացման օրվա դրությամբ և ենթակա է վճարման նախքան հաշվեգրման ամսին հաջորդող ամսվա 15-ը:

Բաժանորդը կարող է ձեռք բերել առավելագույնը 1 հատ ստատիկ IP հասցե 1500 դրամ (ներառյալ ԱԱՀ) ամսական վճարով: Ստատիկ IP հասցե ծառայության ամսավճարը հաշվարկվում է ըստ օրերի: Ստատիկ IP հասցե ծառայությունից օգտվելու համար անհրաժեշտ նախապայման է ժամկետանց պարտքերի բացակայությունը:

Հեռախոսահամարի փոփոխության ծառայությունից կարելի է օգտվել միայն այն դեպքում, եթե բաժանորդը չունի ժամկետանց պարտքեր: 

Հաշվի վերծանում ծառայության դիմաց բաժանորդը վճարում է 200 դրամ՝ ներառյալ ԱԱՀ միանվագ վճար՝ անկախ տրամադրվող հաշվի վերծանման ժամանակահատվածից: Յուրաքանչյուր բաժանորդ, անկախ տվյալ պահին իր հաշվի կարգավիճակից, կարող է օգտվել Հաշվի վերծանում ծառայությունից: Օպերատորը պարտավոր է բաժանորդին տրամադրել հաշվի վերծանում մինչև նախորդ 12 ամիսների ընթացքում մատուցված ծառայությունների համար, բաժանորդի կողմից ընտրված ժամանակահատվածի չափով:

Գոյություն ունի հեռախոսահամարների սակագների դասակարգում՝ կախված տվյալ հեռախոսահամարի տեսակից (Արծաթ, Ոսկի, Պլատին, Պրեմիում): Բացի Արծաթ (8000 ՀՀ դրամ՝ ներառյալ ԱԱՀ), Ոսկի (30 000 ՀՀ դրամ՝ ներառյալ ԱԱՀ), Պլատին (50 000 ՀՀ դրամ՝ ներառյալ ԱԱՀ) և Պրեմիում (100 000 ՀՀ դրամ՝ ներառյալ ԱԱՀ) հեռախոսահամարներից մնացած բոլոր հեռախոսահամարները համարվում են Ստանդարտ համարներ և տրամադրվում են առանց վճարի գանձման:

Հեռուստատեսության ծառայության տրամադրման համար օգտագործվում են Set-Top Box WSTA-510, Set-Top Box WSTA-510R, ZTE B760H, ZTE B760E սարքավորումները:

Եթե Բաժանորդին տրամադրված PSG1282 մոդելի սարքը վնասվել (վնասվածքը չի հանդիսանում PSG1282 մոդելի սարքի գործարանային թերության հետևանք) կամ կորել է, ապա Բաժանորդը պարտավոր է վճարել Օպերատորին 45,000 (քառասունհինգ հազար) դրամի  չափով տուգանք: 

PSG1282N և AN5506-04-FG սարքավորումները (առանց Wi-Fi ծառայության ակտիվացման) տրամադրվում են առանց վճարի գանձման, մինչև բաժանորդագրության ավարտն օգտագործման իրավունքով: 

PSG1282N և AN5506-04-FG սարքավորումները (ակտիվացված Wi-Fi ծառայությամբ) տրամադրվում են 11,000 (տասնմեկ հազար) դրամ (ներառյալ ԱԱՀ) միանվագ վճարով, մինչև բաժանորդագրության ավարտն օգտագործման իրավունքով:

Միանվագ վճարը հաշվեգրվում է Wi-Fi ծառայության ակտիվացման օրվա դրությամբ և ենթակա է վճարման Հաշվետու ժամանակաշրջանին հաջորդող ամսվա մինչև 15-ը ներառյալ:

Եթե Բաժանորդին տրամադրված PSG1282N կամ AN5506-04-FG մոդելի սարքը վնասվել (վնասվածքը չի հանդիսանում PSG1282N կամ AN5506-04-FG մոդելի սարքի գործարանային թերության հետևանք) կամ կորել է, ապա Բաժանորդը պարտավոր է վճարել Օպերատորին 45,000 (քառասունհինգ հազար) դրամի չափով տուգանք:

Set-Top Box WSTA-510, Set-Top Box WSTA-510R, ZTE B760H և ZTE B760E հեռուստատեսային սարքավորումները տրամադրվում են առանց վճարի գանձման մինչև բաժանորդագրության ավարտը՝ օգտագործման իրավունքով:

Եթե Բաժանորդին տրամադրված Set-Top Box WSTA-510, Set-Top Box WSTA-510R, ZTE B760H կամ ZTE B760E մոդելի սարքը վնասվել (վնասվածքը չի հանդիսանում Set-Top Box WSTA-510, Set-Top Box WSTA-510R, ZTE B760H կամ ZTE B760E մոդելի սարքի գործարանային թերության հետևանք) կամ կորել է, ապա Բաժանորդը պարտավոր է վճարել Օպերատորին 30,000 (երեսուն հազար) դրամի չափով տուգանք: 

Օպերատորի կողմից տրամադրված յուրաքանչյուր Սարք, որը վերջինիս մասնագետները պետք է տեղադրեն Ծառայությունների մատուցման հասցեում, փոխանցվում է Բաժանորդին հանձնման-ընդունման ակտով։ Բաժանորդը համաձայնում է, որ Սարքի հանձնման-ընդունման ակտը կարող է ստորագրել իր անզգականներից որևէ մեկը, ով այդ պահին կլինի տանը, սակայն Սարքի պահպանության համար ամբողջական պատասխանատվությունը կրում է Բաժանորդը։